A Federación Galega de Ximnasia informa da apertura da convocatoria de prazas do
Centro Galego de Tecnificación Deportiva (CGTD) para o curso
2026/2027, destinada á modalidade de
ximnasia.
As persoas deportistas interesadas que cumpran os requisitos establecidos nas bases deberán cubrir o formulario de solicitude
antes do venres 10 de xullo ás 23:59 horas, para que a Federación poida tramitar a correspondente solicitude ante a Xunta de Galicia.
Prazas dispoñibles
GRUPO DE TECNIFICACIÓN
Dirixido a deportistas que cumpran entre
14 e 17 anos durante o ano 2026 (nados/as entre
2009 e 2012).
3 prazas de residente para a modalidade de ximnasia.
Documentación obrigatoria:
Copia do expediente académico do curso 2025/2026.
Volante de empadroamento da persoa solicitante.
GRUPO DE RENDEMENTO
Dirixido a deportistas de
18 ou máis anos.
- Prazas de residente: Deportistas que cumpran entre
18 e 25 anos en 2026 (nados/as entre
2001 e 2008) e que residan fóra dun radio de 3 km do CGTD no momento da solicitude.
- Prazas de externos: Deportistas que cumpran
18 anos en 2026 (nados/as no ano 2008 ou anteriores).
Documentación obrigatoria:
Volante de empadroamento da persoa solicitante.
Información importante:
Os deportistas deberán cubrir correctamente os
Anexos VI e VII, tendo en conta que
unicamente serán baremables os resultados obtidos en probas olímpicas (Trampolín).
Como excepción, no
Grupo de Tecnificación tamén se valorarán os resultados acadados en
Dobre Minitramp e Tumbling cando o deportista competise formando parte da
selección española durante os anos
2025 ou 2026 en Campionatos do Mundo, Campionatos de Europa ou competicións internacionais da FIG.
Máis información
Pódense consultar as bases completas da convocatoria no
DOG e descargar a circular resumo elaborada pola Federación.
Para calquera dúbida, as persoas interesadas poden poñerse en contacto con esta Federación a través dos medios habituais
Correo electrónico: info@ximnasia.com
Teléfono: 988 238 999
